الحزام بالرغم من انه تفصيلة صغيرة جدا واكسسوار بسيط لكن في نفس الوقت ممكن يغير اللوك بتاعك لو لبستيه بطريقة تخلي اللوك بتاعك يطلع استايلش اكتر واحلى وحتى كمان ممكن يساعدك انك تظبطي شكل الجسم المهم انك تعرفي تلبسيه ازاي وده اللي هنعرفه النهاردة مع بعض من خلال موضوعنا هنشوف افكار وحيل للبس الحزام هتخليكي تطلعي بلوك احلى.
افكار وحيل للبس الحزام:
– المكان المناسب للحزام:
اول حاجة هو اختيار المكان المناسب للحزام ياما على الوسط او تحت الوسط اعلى منطقة الوركين, في بنات هيكون انسب لهم يلبسوا الحزام على الخط الطبيعي للوسط, وفي بنات تانية هيكون انسب لهم يلبسوا فوق او تحت شوية عن منطقة الوسط.
افضل حاجة انك تجربي الحزام قدام المرايا على الوسط وفوق وتحت وتشوفي اكتر مكان احسن ومطلع شكل جسمك احلى, وطالع شكله احلى على اللبس بتاعك.
افكار وحيل للبس الحزام
– ازاي تلبسي الحزام حسب شكل جسمك:
1- الوسط المتحدد:
لو وسطك متحدد يبقى انسب حزام ليكي هو الرفيع بألوان زاهية, البسيه على اضيق او اصغر منطقة في الوسط هيطلع مناسب ليكي وهيظهرك بشكل احلى.
الوسط المتحدد
2- الوسط المستقيم:
الوسط المستقيم او اللي بيكون في نفس مستوى الجناب ومش متحدد هيناسبك الحزام السميك والرفيع الاتنين هيطلعوا بشكل حلو عليكي, بس حاولي انك تلعبي على مكان الحزام فوق او تحت الوسط وتشوفي الانسب ليكي اكتر.
الوسط المستقيم
3- الوسط الطويل:
الجسم اللي بيكون فيه منطقة الجذع طويلة هيناسبك انك تلبسي الحزام العريض على اقل او اصغر منطقة في الوسط لان الطريقة دي هتبين وسطك اقصر وهيديكي شكل ساعة رملية لجسمك.
الوسط الطويل
4- الوسط القصير:
الاحزمة الرفيعة هي انسب اختيار ليكي لان الحزام العريض ممكن يبين الوسط اقصر, وكمان الاحزمة اللي بتكون نفس لون اللبس.
الوسط االقصير
5- الصدر الكبير:
الحزام كمان ممكن يظبطلك منطقة الصدر لو كبيرة البسي الحزام تحت منطقة خط الوسط الطبيعي هيساعد انه يكسر المسافة ما بين الصدر والوسط.
الحزام مع الصدر الكبير
6- الصدر الصغير:
لو العكس ومنطقة الصدر صغيرة وحابة تبرزيها يبقى انسب حاجة انك تلبسي الحزام تحت الصدر ده هيساعد على رفعه وتحديد المنطقة دي وهتظهرها اكتر من منطقة الوسط.
الحزام مع الصدر الصغير
– ازاي الحزام ممكن يغير من شكل الجسم:
الحزام اللي بيبقى مزيج من الالوان والرسومات من نفس لون الفستان او التوب اللي انتي لبساه هيعتبر تغيير وتحسين سريع للوك بتاعك وهيخلي شكل جسمك احلى, وهيخلي منطقة الجذع تبان ارفع.
افكار وحيل للبس الحزام
عشان تبرزي الوسط وتسلطي الضوء عليه البسي حزام عالي ويكون لونه متناقض او عكس لون اللبس ده هيجذب الانتباه لمنطقة الوسط.
افكار وحيل للبس الحزام
– افكار للبس الحزام:
1- الحزام على الجيبة او البنطلون الوسط العالي High Waist:
الحزام على الجيبة او البنطلون الوسط العالي هيحدد منطقة الوسط اكتر وهيظهرها, وهيخلي شكل الجيبة او البنطلون يطلع بشكل احلى ويبين قصته اكتر.
افكار وحيل للبس الحزام
2- الحزام مع الكارديجان:
الحزام مع الكارديجان ممكن يغير شكله تماما من الشكل العادي التقليدي للوك واو ومختلف في خطوة واحدة بس, جربي تلبسي الحزام على اي كارديجان عندك وشوفي النتيجة.
افكار وحيل للبس الحزام
3- الحزام الاوبي Obi Belt:
الحزام الاوبي Obi Belt بيكون من الجلد او خامة ممكن تتلف على الوسط بيدي شكل حلو ومميز جدا للوك بتاعك, ممكن تجربي تلبسيه على اي بنطلون او جيبة عندك عشان تجددي شكلهم وتدي شكل احلى واستايلش للوك بتاعك.
افكار وحيل للبس الحزام
4- حزام مطبوع او مرسوم:
الحزام طبعة النمر او الـ Leopard من الحاجات اللي ممكن تمشي مع اي حاجة وممكن تنسقيه مع اي لبس عندك, جربي تضيفي لمسة Fun ومختلفة للوك بتاعك وتلبسي الحزام الـ Leopard على اللبس.
افكار وحيل للبس الحزام
5- الحزام الميتاليك:
الحزام الميتاليك يعتبر طريقة سريعة وسهلة عشان تحولي اي لوك كاجوال عندك للوك مسائي او ينفع للخروج بالليل.
افكار وحيل للبس الحزام
6- السكارف مع الحزام:
ممكن تستغلي السكارف بطريقة مختلفة, جربي البسي السكارف الكبير والبسي فوقيه الحزام للوك مميز ومختلف.
افكار وحيل للبس الحزام
الحزام مع الفستان:
اضافة الحزام للفستان تعتبر طريقة سريعة لرسم وتحديد منطقة الوسط, وهيديكي شكل كيرفي وانثوي لجسمك.
